2023ko UZTA BUKATUTA!
Sagar uzta jasota (oso ona, bai kantitatea, bai kalitatea ...%100 Iturrietakoa), kupelak beteta, sagar zukua botilan, ...Orain inauzketakin hasteko prest!! ....eta zuen erreserbak jasotzeko gogoz...
ZUEN ERRESERBAK JASOTZEKO GOGOZ
Abuztuaz gozatu arren faltan bota zaituztegu, horregatik berriz ere martxan gaude zuen erreserbak jasotzeko gogo handiz. Eguraldi ona, sagardo pixkat eta txuleta gozo bat, ba ahal dago eguna pasatzeko plan hoberik? Ez geratu leku gabe eta idatzi gaitzazue!
DIPLOMA BERRIA!
Ostalaritzan hainbat baldintza eskatzen dituzte koronabirusaren ondorioz. Guk horrek praktikan jartzeaz gain azterketa bat egin dugu eta azkenik Covid-19-ren kutsadura murrizketa diploma lortu dugu!
GORBEIAN “SUITZA TXIKIAN” JAIOTAKO CAVAREKIN EGITEN DUTE TOPA JADA
Sagardo aparduna da, champenoise metodoaren bidez egina, bigarren hartzidura botilan egiten du; ahoan mingots samarra du, cavaren antzera, eta horrek oso freskagarri bilakatzen du. Komertzializazioak historia ederra du, Urrunagako urtegiaren azpian urpean geratu ziren etxe guztien oroimenez saltzen baita, Garrastegi baserriaren oroimenez bereziki.
Gorbeia zorioneko da, eta zer hobeto topa on bat egitea baino. Ez txakolin, sagardo, garagardo edo inguruko beste salda duin batzuekin, horiekin ere bai, baina oraingoan cavarekin egingo dugu. Izan ere, Gorbeiak glamour osoz egiten du produktu hori, Aramaioko udalerrian, “Suitza Txikia” izenez ezagutzen den herrian, dagoen Iturrieta sagardotegiaren eskutik. “Sagardo Aparduna/Sidra Achampanada” merkaturatu du.
Gainera, komertzializazioak historia ederra du, Urrunagako urtegiaren azpian geratu ziren etxe guztien oroimenez saltzen baita, Garrastegi baserriaren oroimenez bereziki. Champenoise metodoaren bidez egindako sagardo apardunada, bigarren hartzidura botilan egiten du. Sagardoaren esentzia galdu gabe, ahoan mingostasun txiki bat ematen du, cavak bezala, eta horrek oso freskagarria bilakatzen du.
Eta ez da hori berritasun bakarra. Mendibitzu Sagardoa ere jaio da. Bi urteko sagardoa da, eta egiteko, Mendibitzu baserrian bildutako sagarrak erabiltzen dira. Hegoaldera begira dagoen landaketa horrek azukre estra ematen die sagarrei, eta, barietateekin batera, sagardoak gorputz handiagoa du eta aho-sabaian leunagoa da.
Gorbeiako enbaxadore gastronomiko honek egiten dituen beste produktu batzuk:
· Sagardoa. Iturrietako 20 urteko sagarrondoekin egina, osasuntsu mantentzeko tratamendu ekologikoak baino ez dira erabiltzen, eta, horrela sagardo % 100 ekologikoa lortzen da. Sagar autoktonoak baino ez dira erabiltzen, garratzak eta mingotsak batez ere, eta, proportzio txikiagoan, barietate gozoagoekin konbinatzen dira, zapore bereizgarri eta paregabea lortzeko.
· Sagar zuku naturala. Sagardoa egiteko erabiltzen diren sagarrekin egina, gozotasun puntu egokia lortzen du. Botila bakoitzak ia bi kilo sagar ditu, gehigarririk eta kontserbagarririk gabe.
· Ozpina. Sagardoaren azukreak oso denbora luzez hartzitzetik lortzen da, azido maliko bihurtzen da, eta horrek berezko balioa eta usaina ematen dizkio. Modu tradizionalean egiten da, makineriarik gabe.
· Irasagarra. Aurrez hautatutako sagarrak eta irasagarra nahastetik lortutakoa.
“Botila-bilduma” horren guztiaren egilea, familia giro atseginera gonbidatzen duen paisaia natural eta lasaiez inguratuta dagoen Arragako Iturrieta sagardotegia (Aramaio, Araba) da. Batzuetan, Aramaioko haranaren gainean leun pausatzen den lainoak estaltzen du, eta “Suitza Txikia” ezizenez ezagutzen da, ingurua ikusgarria delako. Produktu guztiak naturalak dira eta maitasun handiz ekoizten eta sortzen dira. Hogei urtetik gorako ibilbidea, beti bezeroei kalitaterik handiena eskainiz. Produktuekin hobetzen eta berritzen saiatuz. Landaketak bi baserritan banatuta daude, eta bi marka sortzen dituzte Iturrieta upeltegi beretik, Iturrieta eta Mendibitzu.
Gorbeiaren eskaintza gastronomiko zabalaren erakusgarri bat besterik ez da; garai bateko zaporeak dira bere bereizgarrietako bat. Kalitate modernoko ereduetara egokituta, ekoizleek mimoz gordetzen dituzte arbasoen errezetak. Lurrak kalitate handiko edari zaharrak ekoizten ditu. Sagardoa da horietako bat, eta haren zuhaitza, sagarrondoa, Erdi Aroko laborerik ugariena zen. Asko babesten zen eta, horrela, bere produkzioan egindako zenbait arau-haustek zigor-heriotza ekar zezaketen. Gaur egun, arau bakarra bete behar da: horretaz gozatzea.
PRODUKZIOA HANDITZEN
Lurretaz baliatuz produkzioa handitzeko momentua iritsi da. Landare berriak landatzeko irrikitan geunden eta aurrera pausu bat egitea pentsatu dugu. Lurrak zaindu eta prestatu ditugu, landare berriak ekarri eta ilusio handiz landatu dira. Oraindik uzta jaso ezin dugun arren, poliki poliki landare guztiak zainduz gure sagarrak jasotzeko irrikitan gaude.
ITURRIETA SAGARDOTEGIAK SAGARDO BERRIARI ATEAK IREKI DIZKIO
Kaixo Iturrietako lagunak, Urte Berri On!!!
Urte berri honetan, oraindik guztiontzako egoera berezia izan arren, berriro irekiko ditugu Iturrietako ateak sagardotegiko denboraldi berriari hasiera emateko.
Egoera zail hau pixkanaka desagertzea espero dugu, egoera "normal" batera lehenbailehen itzultzeko.
Horretarako, behar diren neurri guztiak hartu ditugu eskatutako segurtasun baldintzak bermatzeko.
2021 SAGARDOTEGIEN DENBORALDIA
Itxita egon garen arren, lanean jarraitu dugu azken uzta honen emaitzak zuei eskaintzeko. Aurten uzta eskasa izan dugu eta horrek Arabako beste sagasti batzuetara joatera behartu gaitu (Zuazo de Vitoria y Ozaeta).
Denboraldi berri honen hasierak, murrizketak kontuan hartuta, ez du eragotziko sagardo berria dastatzea. Dena ezagutzen dugun bezala ez izan arren, kupelak dastatzeko aukera izango dugu, denak D.O (Jatorrizko deitura Euskal Sagardoa, Ekologikoa). Jakina sagardotegiko menu tipikoa ahaztu gabe.
Iaz ezin izan zenuten traidizioaz gozatu %100ean, ia denboraldi guztia galduz. Beraz, gu bisitatzera, elkarbanatzera eta gozatzera animatzen zaituztegu, lagun artean sagardotegiaz disfrutatuz.
Ekimen berriak
Aramaio inguruan hainbat ibilbide sortu ditugu ondoren Iturrietan bazkari bat egiten amaituz. Gainera, nobedade gisa, aurten Arabako babarrunak sakramentuekin eskainiko ditugu.
Halaber, "Garrastegi" sagardo apardun berria probatzeko aukera izango duzue, seguru zeharo harrituko zaituztela.
Asteburu oro trikitilariak izango ditugu giro ederra sortuz. Noizbehinka, kontzertuak eta bertsolaritza-saioak ere eskainiko ditugu. Jarraitu gure sare sozialetan ekitaldi berri izateko.
Amaitzeko, tarte txiki bat prestatu dugu gure produktuak zuengana hurbiltzeko (sagardoa, sagardo aparduna, sagar-zukua, ozpina, intxaurrak eta irasagarra besteak beste) eta nola ez, Aramaioko produktuak ere (Idiazabal gazta, eztia eta abar).
Produktu horiek gure on-line dendan ere eskuratu ahal izango dituzue.
